“Дипломат байгууллагын үйлчилгээг эрхлэх газар” ТӨҮГ-ын нэгдсэн хурал зохион байгуулагдаж, тус хурлаар захирал Б.Халиун, удирдлагын бүрэлдэхүүн, Авто бааз, Харуул хамгаалалтын алба болон оффиссын албан хаагчид оролцлоо.
Хурлын үеэр 2026 оныг хариуцлага, сахилга баттай байж, ёс зүйн өндөр хэм хэмжээг баримталсан жил болгон ажиллах зорилтыг дэвшүүлж, байгууллагын үйл ажиллагаа, ажлын явц, цаашдын зорилт, 2026 онд хэрэгжүүлэх ажлын төлөвлөгөө, шинээр нэвтрүүлэх системийн талаар мэдээлэл танилцуулж, зарим ажлын хүрээнд шүүмжлэлтэй хэлэлцэж, санал, зөвлөмж солилцов.
Мөн энэ үеэр тус газрын захирал Б.Халиун нь удирдлага болон ажил хариуцсан албан тушаалтнуудад холбогдох үүрэг, чиглэлийг өгч, хурлыг хариуцлага, сахилга баттай ажиллах уриан дор өндөрлүүллээ.
